Мае маленькія сябры, прывітанне! Прапаную Вам адказаць на наступныя пытанні. Свае адказы дасылайце на сайт гімназіі gymn2.pinsk.edu.by праз “Гасцевую кнігу” з паметкай “Этнаграфічны музей “Спадчына”. За правільныя адказы Вы маеце магчымасць атрымаць падарункі.
1. Прадоўжыце назвы бел.нар. казак: “Музыка- _________”, “Лісіца і ______…”, “Два ________”, “Хітры _______” , “Баран _________”, “Кот __________”.
2. Пазнайце казку па пачатку :
А) “Жыў некалі насвеце музыка. Пачаў ён іграць яшчэ змалку.Бывала. пасучы валоў, зробіць з лазы дудачку ды як зайграе, дык валы скубці траву перастануць, -натапыруць вушы і слухаюць. У лесе птушкі прыціхнуць, нават жабы ў балоце не крумкаюць.”
Б)“Быў такі час на зямлі, калі зьвяры ня мелі хвастоў. Заязь страшэнна дакучала ім: абараніцца зьвяры ня мелі чым. І вось аднойчы ад ляснога цара выйшаў загад, каб зьвяры йшлі хвасты атрымліваць. Пайшлі ганцы ўва ўсе канцы з пушчаў, лясоў і палёў склікаць зьвяроў. Паведамілі ваўка, лісіцу, куніцу, пабудзілі й мядзьведзя ў яго бярлозе.
- Добра, - кажа Мішка: - я зараз прыйду, адно загляну да старое ліпы, ці не знайду там чаго пасьнедаць”.
В)“Былі ў аднаго чалавека тры сыны: два разумныя, а трэці — дурны.
Старэйшы сын, Сцяпан, умеў на скрыпцы іграць, сярэдні, Піліп,— на дудцы, а меншы, Іван, ні да чаго спрыту не меў: сядзеў у запечку ды лучынкі стругаў.
Вырасла ў таго чалавека ў садзе яблынька, а на ёй — залатыя яблыкі. Цешыцца бацька з яблыкаў, і сыны цешацца. Кожную раніцу ў сад ходзяць глядзець, ці цэлыя.
Праверылі гэтак аднаго разу — не хапае яблыка! I на другую раніцу не далічыліся аднаго яблыка...”
3. Пазнайце казку па канцоўцы:
А) “- Схітрыў ці не схітрыў, -адказаў вол, - а стог сена за пагодай накасіў. Ды і шкура ад вашых воўчых зубоў цэлая засталася”.
Б)“… Выслухаў мядзьведзь казку і адарваў сабе хвост.
Так з таго часу і жыве з куртатым хвастом”.
4. Назавіце тры добрыя справы, якія зрабіў малодшы брат Іван у бел.нар казцы “Два браты”.
5. Каму належаць наступныя словы? Назавіце галоўных герояў і назву казкі:
“-Танцуй сабе, а з’есці я цябе яшчэ паспею… вось дык Гусак! Вось дык танцор!”
6. Якому герою належаць наступныя словы :
“Ідзі, Іван-бядняк , на бераг мора, схавайся пад човен і дачакайся ночы. Прыляцяць тры мае сыны, тры вораны. Пачнуць між сабою гаварыць. Слухай іх і запамінай. Толькі глядзі, не абзывайся”.
7. Што адбылося перад апісанай падзеяй? З якіх казак гэты ўрывак?
“…Так і засталася лісіца з разяўленым ротам”
8. Да якой казкі падыходзяць прыказкі?
- Хто працуе, той не сумуе
- Язык у разумнага ў галаве, у дурнога – на зубах.
9. Назавіце адмоўных герояў у бел.нар. казках “Хітры вол”, “Лісіца і Гусак”.
10. Назавіце назву казкі, у якой дзяўчына зрабіла так:
“- Чаму я тут, у бруднай мужыцкай хаце, ляжу?
- Ты сам так захацеў, - сьмяецца дзяўчынка. - Ты сказаў мне: «Бяры сабе з маёнтка, што пажадаеш, ды ідзі дахаты». Я і ўзяла цябе. Уставай ды ідзі замест бацькі паншчыну адбываць. Ты мужык дужы, роботнік зь цябе будзе нядрэнны.
Пачуўшы гэта, пан усхапіўся на ногі і так драпануў назад у свой маёнтак, што толькі яго і бачылі. Навет ад коней з карэтаю адрокся”.